aabla-pai se virana mahak jata hai
ābla-pā.ī se vīrāna mahak jaatā hai
kaun phūloñ se mirā rāsta Dhak jaatā hai
maslahat kahtī hai vo aa.e to kyuuñ aa.e yahāñ
dil kā ye haal har aahaT pe dhaḌak jaatā hai
kyā sar-e-shām na lauTūñgā nasheman kī taraf
kyā añdherā ho to jugnū bhī bhaTak jaatā hai
ek dīvāna bhaTaktā hai bagūla ban kar
ek aahū kisī vaadī meñ ThiThak jaatā hai
koī āvāz kahīñ guuñj ke rah jaatī hai
koī aañsū kisī aariz pe Dhalak jaatā hai
qāfila umr kā paiham safar-āmāda sahī
shajar-e-sāya-fagan dekh ke thak jaatā hai
'shāz' is koshish-e-tamkīñ pe bahut naaz na kar
ye charāġh-e-tah-e-dāmāñ bhī bhaḌak jaatā hai
aabla-pai se virana mahak jata hai
kaun phulon se mera rasta Dhak jata hai
maslahat kahti hai wo aae to kyun aae yahan
dil ka ye haal har aahaT pe dhaDak jata hai
kya sar-e-sham na lauTunga nasheman ki taraf
kya andhera ho to jugnu bhi bhaTak jata hai
ek diwana bhaTakta hai bagula ban kar
ek aahu kisi wadi mein ThiThak jata hai
koi aawaz kahin gunj ke rah jati hai
koi aansu kisi aariz pe Dhalak jata hai
qafila umr ka paiham safar-amada sahi
shajar-e-saya-fagan dekh ke thak jata hai
'shaz' is koshish-e-tamkin pe bahut naz na kar
ye charagh-e-tah-e-daman bhi bhaDak jata hai
Source:
Rooh-e-Ghazal,Pachas Sala Intekhab (Pg. 423)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
