aadha maza visal ka pae hue to hun

aadhā maza visāl kā paa.e hue to huuñ

nañgā gale se tum ko lagā.e hue to huuñ

go laakh maiñ firāq meñ kamzor ho gayā

ulfat kā bojh sar par uThā.e hue to huuñ

puurā patā nahīñ hai ki jaate ho kis jagah

kuchh kuchh tumhāre bhed ko paa.e hue to huuñ

tum phir bhī kah rahe ho ki taskīñ nahīñ huī

hālāñki saarā zor lagā.e hue to huuñ

ye kyā kahā ki jaan bachātā hai qatl se

nutfa harām sar ko jhukā.e hue to huuñ

dushman kī chāplūsī se kuchh fā.eda nahīñ

saale ko bevaqūf banā.e hue to huuñ

kuchh kuchh vo mere qaabū meñ aa.e hue to haiñ

kuchh kuchh maiñ un ko daab meñ laa.e hue to huuñ

maanā ki 'būm' bazm-e-suḳhan meñ maza nahīñ

thoḌā sā phir bhī rañg jamā.e hue to huuñ

aadha maza visal ka pae hue to hun

nanga gale se tum ko lagae hue to hun

go lakh main firaq mein kamzor ho gaya

ulfat ka bojh sar par uThae hue to hun

pura pata nahin hai ki jate ho kis jagah

kuchh kuchh tumhaare bhed ko pae hue to hun

tum phir bhi kah rahe ho ki taskin nahin hui

haalanki sara zor lagae hue to hun

ye kya kaha ki jaan bachata hai qatl se

nutfa haram sar ko jhukae hue to hun

dushman ki chaplusi se kuchh faeda nahin

sale ko bewaquf banae hue to hun

kuchh kuchh wo mere qabu mein aae hue to hain

kuchh kuchh main un ko dab mein lae hue to hun

mana ki 'bum' bazm-e-suKHan mein maza nahin

thoDa sa phir bhi rang jamae hue to hun