aadmi chaunk chuka hai magar uTTha to nahin

Muzaffar Warsi

aadmi chaunk chuka hai magar uTTha to nahin

Muzaffar Warsi

MORE BYMuzaffar Warsi

    aadmī chauñk chukā hai magar uTThā to nahīñ

    maiñ jise DhūñDh rahā huuñ ye vo duniyā to nahīñ

    ruuh ko dard milā dard ko āñkheñ na milīñ

    tujh ko mahsūs kiyā hai tujhe dekhā to nahīñ

    rañg shakl milī hai tujhe ḳhushbū mizāj

    lāla-o-gul kahīñ terā sarāpā to nahīñ

    chehra dekhūñ to ḳhad-o-ḳhāl badal jaate

    chhup ke ā.īne ke pīchhe koī baiThā to nahīñ

    pheñk kar maar zamīñ par na zamāne mujh ko

    TuuT jā.ūñgā jaise maiñ khilaunā to nahīñ

    zindagī tujh se har ik saañs pe samjhautā karūñ

    shauq jiine hai mujh ko magar itnā to nahīñ

    merī āñkhoñ meñ tire naqsh-e-qadam kaise haiñ

    is sarā.e meñ musāfir koī Thahrā to nahīñ

    sochte sochte dil Dūbne lagtā hai mirā

    zehan tah meñ 'muzaffar' koī dariyā to nahīñ

    aadmi chaunk chuka hai magar uTTha to nahin

    main jise DhunDh raha hun ye wo duniya to nahin

    ruh ko dard mila dard ko aankhen na milin

    tujh ko mahsus kiya hai tujhe dekha to nahin

    rang si shakl mili hai tujhe KHushbu sa mizaj

    lala-o-gul kahin tera hi sarapa to nahin

    chehra dekhun to KHad-o-KHal badal jate hi

    chhup ke aaine ke pichhe koi baiTha to nahin

    phenk kar mar zamin par na zamane mujh ko

    TuT hi jaunga jaise main khilauna to nahin

    zindagi tujh se har ek sans pe samjhauta karun

    shauq jine ka hai mujh ko magar itna to nahin

    meri aankhon mein tere naqsh-e-qadam kaise hain

    is sarae mein musafir koi Thahra to nahin

    sochte sochte dil Dubne lagta hai mera

    zehan ki tah mein 'muzaffar' koi dariya to nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY