aadmi ko waqar mil jae

aadmī ko vaqār mil jaa.e

gar jabīñ ko ġhubār mil jaa.e

kis ko parvā rahe masā.ib kī

fikr ko gar nikhār mil jaa.e

ādamiyat kā husn hai vo shaḳhs

jis ko un kā shi.ār mil jaa.e

ik tamannā baḌe dinoñ se hai

lailī-e-kū-e-yār mil jaa.e

vo baḌā ḳhush-nasīb hai jis ko

lazzat-e-intizār mil jaa.e

ik zarā sochiye to hogā kyā

gar junūñ ko qarār mil jaa.e

aadmi ko waqar mil jae

gar jabin ko ghubar mil jae

kis ko parwa rahe masaib ki

fikr ko gar nikhaar mil jae

aadamiyat ka husn hai wo shaKHs

jis ko un ka shiar mil jae

ek tamanna baDe dinon se hai

laili-e-ku-e-yar mil jae

wo baDa KHush-nasib hai jis ko

lazzat-e-intizar mil jae

ek zara sochiye to hoga kya

gar junun ko qarar mil jae