aae bhi to wo munh ko chhupae mere aage

aa.e bhī to vo muñh ko chhupā.e mire aage

is tarah se aa.e ki na aa.e mire aage

bujhte hue dekhūñgā na maiñ dil kī lagī ko

koī na kabhī sham.a bujhā.e mire aage

tevar yahī kahte the ki ye naam hai merā

likh kar ka.ī harf us ne miTā.e mire aage

bichhḌe hue ma.ashūq mileñ sab ko ilāhī

tanhā koī jannat meñ na jaa.e mire aage

kuchh 'dāġh' kā mazkūr jo aaya to vo bole

aa.e the burā haal banā.e mire aage

aae bhi to wo munh ko chhupae mere aage

is tarah se aae ki na aae mere aage

bujhte hue dekhunga na main dil ki lagi ko

koi na kabhi shama bujhae mere aage

tewar yahi kahte the ki ye nam hai mera

likh kar kai harf us ne miTae mere aage

bichhDe hue mashuq milen sab ko ilahi

tanha koi jannat mein na jae mere aage

kuchh 'dagh' ka mazkur jo aaya to wo bole

aae the bura haal banae mere aage