aae na lab pe harf-e-shikayat KHuda kare

aa.e na lab pe harf-e-shikāyat ḳhudā kare

phūle phale hamārī mohabbat ḳhudā kare

hai aarzū ki ho na mayassar shifā mujhe

aate raheñ vo bahr-e-ayādat ḳhudā kare

sab kuchh ye raunaqeñ haiñ unhī ke qudūm kī

har ik ko ho nasīb ziyārat ḳhudā kare

vo aa ga.e haiñ jazba-e-lutf-o-karam ke saath

ho jaa.e merā ḳhvāb haqīqat ḳhudā kare

saaqī ne aaj farq-e-marātib miTā diyā

jaage sharāb-ḳhāne kī qismat ḳhudā kare

ifrāt-e-māl-o-zar to hai 'qāsid' vabāl-e-jāñ

haath aa.e mujh ko hasb-e-zarūrat ḳhudā kare

aae na lab pe harf-e-shikayat KHuda kare

phule phale hamari mohabbat KHuda kare

hai aarzu ki ho na mayassar shifa mujhe

aate rahen wo bahr-e-ayaadat KHuda kare

sab kuchh ye raunaqen hain unhi ke qudum ki

har ek ko ho nasib ziyarat KHuda kare

wo aa gae hain jazba-e-lutf-o-karam ke sath

ho jae mera KHwab haqiqat KHuda kare

saqi ne aaj farq-e-maraatib miTa diya

jage sharab-KHane ki qismat KHuda kare

ifraat-e-mal-o-zar to hai 'qasid' wabaal-e-jaan

hath aae mujh ko hasb-e-zarurat KHuda kare