aaenge nazar subh ke aasar mein hum log

ā.eñge nazar sub.h ke āsār meñ ham log

baiThe haiñ abhī parda-e-asrār meñ ham log

laa.e ga.e pahle to sar-e-dasht-e-ijāzat

maare ga.e phir vādī-e-inkār meñ ham log

ik manzar-e-hairat meñ fanā ho ga.iiñ āñkheñ

aa.e the kisī mausam-e-dīdār meñ ham log

har rañg hamārā hai, har ik rañg meñ ham haiñ

tasvīr hue vaqt kī raftār meñ ham log

ye ḳhāk-nashīnī hai bahut, zill-e-ilāhī

jachte hī nahīñ jubba-o-dastār meñ ham log

ab yuuñ hai ki ik shaḳhs kā mātam hai musalsal

chunvā.e ga.e hijr kī dīvār meñ ham log

sunte the ki bikte haiñ yahāñ ḳhvāb sunahre

phirte haiñ tire shahr ke bāzār meñ ham log

aaenge nazar subh ke aasar mein hum log

baiThe hain abhi parda-e-asrar mein hum log

lae gae pahle to sar-e-dasht-e-ijazat

mare gae phir wadi-e-inkar mein hum log

ek manzar-e-hairat mein fana ho gain aankhen

aae the kisi mausam-e-didar mein hum log

har rang hamara hai, har ek rang mein hum hain

taswir hue waqt ki raftar mein hum log

ye KHak-nashini hai bahut, zill-e-ilahi

jachte hi nahin jubba-o-dastar mein hum log

ab yun hai ki ek shaKHs ka matam hai musalsal

chunwae gae hijr ki diwar mein hum log

sunte the ki bikte hain yahan KHwab sunahre

phirte hain tere shahr ke bazar mein hum log