aag apne hi daman ki zara pahle bujha lo

Waheed Akhtar

aag apne hi daman ki zara pahle bujha lo

Waheed Akhtar

MORE BYWaheed Akhtar

    aag apne dāman zarā pahle bujhā lo

    fursat ho to phir ham ko bhī jalne se bachā lo

    ai qismat-e-fardā ke ḳhush-ā.ind ḳhayālo

    rāteñ na sahī din mire aa ke ujālo

    patthar ke sanam bhī kabhī kuchh bol sake haiñ

    ai but-shikan az.hān ke ḳhāmosh savālo

    tum meñ to mirā āhū-e-ḳhush-gām nahīñ hai

    ai vādī-e-taḳh.ill ke gum-gashta ġhazālo

    miTtī huī tasvīr meñ kyā rañg bharoge

    miTnā thā jinheñ miT ga.e tum ḳhud ko sambhālo

    ik dard daulat tumheñ ham sauñp chale haiñ

    ab us ko luTā do ki hayāt apnī banā lo

    bād-e-saharī phuul khilā aa.ī chaman meñ

    kuchh tum bhī lahū apne shahīdoñ uchhālo

    in rāhoñ meñ vo naqsh-e-kaf-e-pā to nahīñ hai

    kyuuñ phuuT ke ro.e ho yahāñ paañv ke chhālo

    chehre pe thakan bāloñ meñ gard āñkhoñ meñ surḳhī

    lambā hai safar paañv ke kāñTe to nikālo

    phir sā.at-e-dīdār 'vahīd' aa.e na aa.e

    tasvīr banā kar unheñ āñkhoñ meñ chhupā lo

    aag apne hi daman ki zara pahle bujha lo

    fursat ho to phir hum ko bhi jalne se bacha lo

    ai qismat-e-farda ke KHush-aind KHayalo

    raaten na sahi din hi mere aa ke ujalo

    patthar ke sanam bhi kabhi kuchh bol sake hain

    ai but-shikan azhan ke KHamosh sawalo

    tum mein to mera aahu-e-KHush-gam nahin hai

    ai wadi-e-taKHill ke gum-gashta ghazalo

    miTti hui taswir mein kya rang bharoge

    miTna tha jinhen miT gae tum KHud ko sambhaalo

    ek dard ki daulat tumhein hum saunp chale hain

    ab us ko luTa do ki hayat apni bana lo

    baad-e-sahari phul khila aai chaman mein

    kuchh tum bhi lahu apne shahidon ka uchhaalo

    in rahon mein wo naqsh-e-kaf-e-pa to nahin hai

    kyun phuT ke roe ho yahan panw ke chhaalo

    chehre pe thakan baalon mein gard aankhon mein surKHi

    lamba hai safar panw ke kanTe to nikalo

    phir saat-e-didar 'wahid' aae na aae

    taswir bana kar unhen aankhon mein chhupa lo

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY