aag lag jaegi ek din meri sarshaari ko

aag lag jā.egī ik din mirī sarshārī ko

maiñ jo detā huuñ havā ruuh kī chingārī ko

varna ye log kahāñ apnī hadoñ meñ rahte

maiñ ne ma.aqūl kiyā hāshiyā-bardārī ko

ye parinde haiñ ki darvesh haiñ zindānoñ ke

kuchh samajhte hī nahīñ amr-e-giraftārī ko

ab hameñ zindagī karne meñ suhūlat dī jaa.e

khīñch laa.e haiñ yahāñ tak to girāñ-bārī ko

ek tūfān-e-balā-ḳhez ne manzar badlā

peḌ tayyār hue rasm-e-nigūñ-sārī ko

us ne vo zahr havāoñ meñ milāyā hai ki ab

koñpleñ sar na uThā.eñgī numūdārī ko

kaun khīñchegā mire jism kī zanjīr 'āzar'

kaun āsān karegā mirī dushvārī ko

aag lag jaegi ek din meri sarshaari ko

main jo deta hun hawa ruh ki chingari ko

warna ye log kahan apni hadon mein rahte

main ne maqul kiya hashiya-bardari ko

ye parinde hain ki darwesh hain zindanon ke

kuchh samajhte hi nahin amr-e-giraftari ko

ab hamein zindagi karne mein suhulat di jae

khinch lae hain yahan tak to giran-bari ko

ek tufan-e-bala-KHez ne manzar badla

peD tayyar hue rasm-e-nigun-sari ko

us ne wo zahr hawaon mein milaya hai ki ab

konplen sar na uThaengi numudari ko

kaun khinchega mere jism ki zanjir 'azar'

kaun aasan karega meri dushwari ko