aaghaz-e-ishq umr ka anjam ho gaya

Ismail Merathi

aaghaz-e-ishq umr ka anjam ho gaya

Ismail Merathi

MORE BY Ismail Merathi

    āġhāz-e-ishq umr anjām ho gayā

    nākāmiyoñ ke ġham meñ mirā kaam ho gayā

    tum roz-o-shab jo dast-ba-dast-e-adū phire

    maiñ pā.emāl-e-gardish-e-ayyām ho gayā

    merā nishāñ miTā to miTā par ye rashk hai

    vird-e-zabān-e-ḳhalq tirā naam ho gayā

    dil chaak chaak naġhma-e-nāqūs ne kiyā

    sab paara paara jāma-e-ehrām ho gayā

    ab aur DhūñDiye koī jaulāñ-gah-e-junūñ

    sahrā ba-qadr-e-vus.at-e-yak-gām ho gayā

    dil pech se na turra-e-pur-ḳham ke chhuT sakā

    bālā-ravī se murġh tah-e-dām ho gayā

    aur apne haq meñ ta.an-e-taġhāful ġhazab huā

    ġhairoñ se multafit but-e-ḳhud-kām ho gayā

    tāsīr-e-jazba kyā ho ki dil iztirāb meñ

    taskīñ-pazīr bosa-ba-paiġhām ho gayā

    kyā ab bhī mujh pe farz nahīñ dostī-e-kufr

    vo zid se merī dushman-e-islām ho gayā

    allāh-re bosa-e-lab-e-mai-gūñ aarzū

    maiñ ḳhaak ho ke durd-e-tah-e-jām ho gayā

    ab tak bhī hai nazar taraf-e-bām-e-māh-vash

    maiñ garche āftāb-e-lab-e-bām ho gayā

    ab harf-e-nā-sazā meñ bhī un ko dareġh hai

    kyuuñ mujh ko zauq-e-lazzat-e-dushnām ho gayā

    aaghaz-e-ishq umr ka anjam ho gaya

    nakaamiyon ke gham mein mera kaam ho gaya

    tum roz-o-shab jo dast-ba-dast-e-adu phire

    main paemal-e-gardish-e-ayyam ho gaya

    mera nishan miTa to miTa par ye rashk hai

    wird-e-zaban-e-KHalq tera nam ho gaya

    dil chaak chaak naghma-e-naqus ne kiya

    sab para para jama-e-ehram ho gaya

    ab aur DhunDiye koi jaulan-gah-e-junun

    sahra ba-qadr-e-wusat-e-yak-gam ho gaya

    dil pech se na turra-e-pur-KHam ke chhuT saka

    baala-rawi se murgh tah-e-dam ho gaya

    aur apne haq mein tan-e-taghaful ghazab hua

    ghairon se multafit but-e-KHud-kaam ho gaya

    tasir-e-jazba kya ho ki dil iztirab mein

    taskin-pazir bosa-ba-paigham ho gaya

    kya ab bhi mujh pe farz nahin dosti-e-kufr

    wo zid se meri dushman-e-islam ho gaya

    allah-re bosa-e-lab-e-mai-gun ki aarzu

    main KHak ho ke durd-e-tah-e-jam ho gaya

    ab tak bhi hai nazar taraf-e-baam-e-mah-wash

    main garche aaftab-e-lab-e-baam ho gaya

    ab harf-e-na-saza mein bhi un ko daregh hai

    kyun mujh ko zauq-e-lazzat-e-dushnam ho gaya

    RECITATIONS

    Nomaan Shauque

    Nomaan Shauque

    Nomaan Shauque

    aaghaz-e-ishq umr ka anjam ho gaya Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites