آہ بن کر دل کے افسانے زباں تک آ گئے
آہ بن کر دل کے افسانے زباں تک آ گئے
آگ بھڑکی تھی کہاں شعلے کہاں تک آ گئے
اب تو آ جاؤ کہ رسوا ہو نہ جائے ظرف دل
ضبط غم کے مرحلے آہ و فغاں تک آ گئے
اشک وہ جن کو ترے غم سے کوئی نسبت نہیں
بن کے شعلے دامن عمر رواں تک آ گئے
اس سے بڑھ کر اور کیا ہوگا محبت کا صلہ
میرے غم کے تذکرے ان کی زباں تک آ گئے
اے خدائے حشر اتمام کرم میں دیر کیا
تیرا منشا تھا جہاں تک ہم وہاں تک آ گئے
نقش پا شمس و قمر اور کہکشاں گرد سفر
کس کی دھن میں ہم مکاں سے لا مکاں تک آ گئے
تیرے در پر جس کے سجدوں کو ملا حسن قبول
اس کے در پر سر جھکانے آسماں تک آ گئے
مٹ گیا کوتاہیٔ برق تپاں کا سب گلہ
آتش گل کے شرارے آشیاں تک آ گئے
مدتوں دیر و حرم کی ٹھوکریں کھا کر طفیلؔ
بہر سجدہ ہم در پیر مغاں تک آ گئے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
