aah bhi ek koshish-e-nakaam hai mere liye

aah bhī ik koshish-e-nākām hai mere liye

aisī sahbā-e-kuhan aur ḳhaam hai mere liye

zindagī ik shorish-e-ālām hai mere liye

jo nafas hai gardish-e-ayyām hai mere liye

shā.erī hī vaj.h-e-nañg-o-nām hai mere liye

aur jo kuchh hai vo sab ilzām hai mere liye

merī arz-e-shauq be-ma.anī hai un ke vāste

un kī ḳhāmoshī bhī ik paiġhām hai mere liye

ye mirī āshufta-e-hālī ye mirī āvārgī

jaise saarī gardish-e-ayyām hai mere liye

kis qadar ma.asūm kaisī garm kitnī dil-navāz

vo nigāh-e-nāz jo bad-nām hai mere liye

aaj kyā hone ko hai ai gardish-e-haft-āsmāñ

har sitāra larza-bar-andām hai mere liye

aah bhi ek koshish-e-nakaam hai mere liye

aisi sahba-e-kuhan aur KHam hai mere liye

zindagi ek shorish-e-alam hai mere liye

jo nafas hai gardish-e-ayyam hai mere liye

shaeri hi wajh-e-nang-o-nam hai mere liye

aur jo kuchh hai wo sab ilzam hai mere liye

meri arz-e-shauq be-mani hai un ke waste

un ki KHamoshi bhi ek paigham hai mere liye

ye meri aashufta-e-haali ye meri aawargi

jaise sari gardish-e-ayyam hai mere liye

kis qadar masum kaisi garm kitni dil-nawaz

wo nigah-e-naz jo bad-nam hai mere liye

aaj kya hone ko hai ai gardish-e-haft-asman

har sitara larza-bar-andam hai mere liye