aah-o-fariyaad ka asar dekha

āh-o-fariyād kā asar dekhā

ḳhud ko majbūr beshtar dekhā

ban gayā hai naqāb-e-tañg-dilī

shohra-e-vus.at-e-nazar dekhā

jism ne Daal dī sipar jab se

ruuh ko āzim-e-safar dekhā

hashr kā mo'taqid huā jis ne

manzar-e-matl.a-e-sahar dekhā

naav sāhil pe lag ga.ī aa kar

apne shāna pe un kā sar dekhā

tama.a pindār jaur hirs fareb

gāmzan kārvān-e-zar dekhā

shub.h-e-zauq-e-nazar na ho jis par

ek aisā bhī dīda-var dekhā

kar liyā un ke ijtināb pe sabr

jab se aġhmāz rāhbar dekhā

dil kā ā.īna rū-ba-rū laa.e

is liye un ko ḳhud-nigar dekhā

jis kī ek apnī kā.enāt na ho

'hāmid' aisā koī bashar dekhā

aah-o-fariyaad ka asar dekha

KHud ko majbur beshtar dekha

ban gaya hai naqab-e-tang-dili

shohra-e-wusat-e-nazar dekha

jism ne Dal di sipar jab se

ruh ko aazim-e-safar dekha

hashr ka mo'taqid hua jis ne

manzar-e-matla-e-sahar dekha

naw sahil pe lag gai aa kar

apne shana pe un ka sar dekha

tama pindar jaur hirs fareb

gamzan karwan-e-zar dekha

shubh-e-zauq-e-nazar na ho jis par

ek aisa bhi dida-war dekha

kar liya un ke ijtinab pe sabr

jab se aghmaz rahbar dekha

dil ka aaina ru-ba-ru lae

is liye un ko KHud-nigar dekha

jis ki ek apni kaenat na ho

'hamid' aisa koi bashar dekha