aah se ya aah ki tasir se
aah se yā aah kī tāsīr se
jī bahal jaatā kisī tadbīr se
ab se ġham sahne kī aadat hī sahī
sulh kar leñ laao charḳh-e-pīr se
jabr ko kyūñkar na samjhūñ iḳhtiyār
tum ne bāñdhā hai mujhe zanjīr se
kaam ab us tadbīr par hai munhasir
vāsta jis ko na ho taqdīr se
us nigāh-e-nāz kā allāh re faiz
nisbateñ haiñ zaḳhm-e-dil ko tiir se
hoshiyār o shoḳh-e-be-parvā-ḳhirām
bach ke merī ḳhāk-e-dāman-gīr se
ishq-e-'fānī' us pe apnī ye bisāt
kheltī haiñ bijliyāñ tasvīr se
aah se ya aah ki tasir se
ji bahal jata kisi tadbir se
ab se gham sahne ki aadat hi sahi
sulh kar len lao charKH-e-pir se
jabr ko kyunkar na samjhun iKHtiyar
tum ne bandha hai mujhe zanjir se
kaam ab us tadbir par hai munhasir
wasta jis ko na ho taqdir se
us nigah-e-naz ka allah re faiz
nisbaten hain zaKHm-e-dil ko tir se
hoshiyar o shoKH-e-be-parwa-KHiram
bach ke meri KHak-e-daman-gir se
ishq-e-'fani' us pe apni ye bisat
khelti hain bijliyan taswir se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
