aahaTen sun kar hi mar jati hai sahraon ki KHak
āhaTeñ sun kar hī mar jaatī hai sahrāoñ kī ḳhaak
ab tire vahshī se Dar jaatī hai sahrāoñ kī ḳhaak
is junūn-e-ishq kī Thokar meñ aa jaane ke baa'd
āsmānoñ meñ bikhar jaatī hai sahrāoñ kī ḳhaak
ḳhushnumā manzar bhī sab dhundhle nazar aate haiñ yaar
jab diloñ meñ bhī utar jaatī hai sahrāoñ kī ḳhaak
kaun ḳhema-zan kahāñ hai aa.iye DhūñDeñ yahāñ
pal meñ sab kuchh ḳhaak kar jaatī hai sahrāoñ kī ḳhaak
uñgliyāñ terī pakaḌ kar sun le ai bād-e-sabā
gulshanoñ meñ bhī utar jaatī hai sahrāoñ kī ḳhaak
paañv phailātī hai ye sahrā-navardī jab mirī
har taraf 'misdāq' bhar jaatī hai sahrāoñ kī ḳhaak
aahaTen sun kar hi mar jati hai sahraon ki KHak
ab tere wahshi se Dar jati hai sahraon ki KHak
is junun-e-ishq ki Thokar mein aa jaane ke ba'd
aasmanon mein bikhar jati hai sahraon ki KHak
KHushnuma manzar bhi sab dhundhle nazar aate hain yar
jab dilon mein bhi utar jati hai sahraon ki KHak
kaun KHema-zan kahan hai aaiye DhunDen yahan
pal mein sab kuchh KHak kar jati hai sahraon ki KHak
ungliyan teri pakaD kar sun le ai baad-e-saba
gulshanon mein bhi utar jati hai sahraon ki KHak
panw phailati hai ye sahra-nawardi jab meri
har taraf 'misdaq' bhar jati hai sahraon ki KHak
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
