aai bahaar daur ho saqi sharab ka

aa.ī bahār daur ho saaqī sharāb kā

dariyā bahā de bazm meñ ashk-e-kabāb kā

is āftāb-e-ruḳh pe nazar apnī paḌte hī

shabnam kī tarah uḌ gayā parda hijāb kā

kis bevafā pe martā hai kyā kījiye use

ghar aur ho kahīñ dil-e-ḳhāna-ḳharāb kā

karne to do savāl kareñ haiñ to kyā

āshiq huuñ maiñ bhī ik but-e-ḳhāna-ḳharāb kā

har-dam vo mujh ko dekh ke abrū chaḌhāte haiñ

pyāsā hai ḳhanjar un kā mire ḳhūn-e-nāb kā

qadmoñ ko chūmtā ai sanam āte-jāte maiñ

kyuuñ sañg meñ banā nahīñ terī janāb kā

sadme firāq-e-yār ke kyā kam haiñ ai 'nasīm'

mahshar meñ mujh ko ḳhauf nahīñ kuchh hisāb kā

aai bahaar daur ho saqi sharab ka

dariya baha de bazm mein ashk-e-kabab ka

is aaftab-e-ruKH pe nazar apni paDte hi

shabnam ki tarah uD gaya parda hijab ka

kis bewafa pe marta hai kya kijiye use

ghar aur ho kahin dil-e-KHana-KHarab ka

karne to do sawal karen hain to kya

aashiq hun main bhi ek but-e-KHana-KHarab ka

har-dam wo mujh ko dekh ke abru chaDhate hain

pyasa hai KHanjar un ka mere KHun-e-nab ka

qadmon ko chumta ai sanam aate-jate main

kyun sang mein bana nahin teri janab ka

sadme firaq-e-yar ke kya kam hain ai 'nasim'

mahshar mein mujh ko KHauf nahin kuchh hisab ka