aaina-e-KHayal tere ru-ba-ru karen
ā.īna-e-ḳhayāl tire rū-ba-rū kareñ
jitnī shikāyateñ haiñ sabhī dū-badū kareñ
jalne lagā hai ab to ye sāñsoñ kā pairahan
māyūsiyoñ kī aag se kab tak rafū kareñ
ahbāb ke ḳhulūs meñ ab vo kashish kahāñ
phir kyā mileñ kisī se koī aarzū kareñ
ahl-e-junūñ ke haq meñ hai hukm-e-ḳhudā yahī
tablīġh-e-dard harf-o-sadā kū-ba-kū kareñ
arz-o-samāñ ke beach muallaq hai kyuuñ duā
'zākir' chalo ki tuur pe kuchh guftugū kareñ
aaina-e-KHayal tere ru-ba-ru karen
jitni shikayaten hain sabhi du-badu karen
jalne laga hai ab to ye sanson ka pairahan
mayusiyon ki aag se kab tak rafu karen
ahbab ke KHulus mein ab wo kashish kahan
phir kya milen kisi se koi aarzu karen
ahl-e-junun ke haq mein hai hukm-e-KHuda yahi
tabligh-e-dard harf-o-sada ku-ba-ku karen
arz-o-saman ke beach muallaq hai kyun dua
'zakir' chalo ki tur pe kuchh guftugu karen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
