aaine mein dekh ke chehra be-shak main hairan hua
ā.īne meñ dekh ke chehra be-shak maiñ hairān huā
dil kī duniyā luuT gayā hai jo dil kā mehmān huā
tū ne apnā chain gañvāyā merī niiñd uḌā dī hai
dil ke nāzuk rishte meñ to donoñ kā nuqsān huā
tere sāñsoñ kī ḳhushbū se mahak rahī hai tanhā.ī
terā ek tabassum mere jiine kā sāmān huā
kahāñ ga.e vo jin ke dam se khetoñ meñ hariyālī thī
suunī kyuuñ gaañv kī galiyāñ kyuuñ āñgan vīrān huā
kitne fankāroñ ne ab tak jazboñ ko alfāz diye
apne ġham kā sarmāyā hī shā.ir kī pahchān huā
vaise to āsān nahīñ thā khulnā band kivāḌoñ kā
dāḳhil honā dil meñ lekin dastak se āsān huā
aaine mein dekh ke chehra be-shak main hairan hua
dil ki duniya luT gaya hai jo dil ka mehman hua
tu ne apna chain ganwaya meri nind uDa di hai
dil ke nazuk rishte mein to donon ka nuqsan hua
tere sanson ki KHushbu se mahak rahi hai tanhai
tera ek tabassum mere jine ka saman hua
kahan gae wo jin ke dam se kheton mein hariyali thi
suni kyun ganw ki galiyan kyun aangan viran hua
kitne fankaron ne ab tak jazbon ko alfaz diye
apne gham ka sarmaya hi shair ki pahchan hua
waise to aasan nahin tha khulna band kiwaDon ka
daKHil hona dil mein lekin dastak se aasan hua
Source:
Apna to mile koi (Pg. 98)
- Author: Devmani Pandey
-
- Edition: 2012
- Publisher: Amrit parkashan
- Year of Publication: 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
