aaina milta to shayad nazar aate KHud ko

Tauseef Tabassum

aaina milta to shayad nazar aate KHud ko

Tauseef Tabassum

MORE BYTauseef Tabassum

    Interesting Fact

    Vol 137, Jan- March 1985

    aa.ina miltā to shāyad nazar aate ḳhud ko

    ab vo hairat hai ki pahroñ nahīñ paate ḳhud ko

    āshnā log jo anjām-e-safar se hote

    sūrat-e-naqsh-e-qadam aap miTāte ḳhud ko

    ek duniyā ko giraftār-e-ġham-e-jāñ dekhā

    yuuñ na hotā to tamāshā nazar aate ḳhud ko

    ā.ina-rañg sailāb hai pāyāb bahut

    aañkh miltī to ye manzar bhī dikhāte ḳhud ko

    ab ye dekho ki hamīñ raah hamīñ manzil haiñ

    umr-bhar dekh chuke Thokareñ khāte ḳhud ko

    āsmāñ shab ko khule dasht jhuk aatā hai

    ḳhushbū uḌtī hai ki sahrā haiñ bulāte ḳhud ko

    kyā ajab koī kiran ham-safar-e-ḳhvāb mile

    tā-sahar le ke chaleñ niiñd ke maate ḳhud ko

    aaina milta to shayad nazar aate KHud ko

    ab wo hairat hai ki pahron nahin pate KHud ko

    aashna log jo anjam-e-safar se hote

    surat-e-naqsh-e-qadam aap miTate KHud ko

    ek duniya ko giraftar-e-gham-e-jaan dekha

    yun na hota to tamasha nazar aate KHud ko

    aaina-rang ka sailab hai payab bahut

    aankh milti to ye manzar bhi dikhate KHud ko

    ab ye dekho ki hamin rah hamin manzil hain

    umr-bhar dekh chuke Thokaren khate KHud ko

    aasman shab ko khule dasht ha jhuk aata hai

    KHushbu uDti hai ki sahra hain bulate KHud ko

    kya ajab koi kiran ham-safar-e-KHwab mile

    ta-sahar le ke chalen nind ke mate KHud ko

    Source :
    • Book : Shabkhoon (Urdu Monthly) (Pg. 915)
    • Author : Shamsur Rahman Faruqi
    • Publication : Shabkhoon Po. Box No.13, 313 rani Mandi Allahabad (June December 2005áIssue No. 293 To 299âPart II)
    • Edition : June December 2005áIssue No. 293 To 299âPart II
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY