aaina sina-e-sahab-nazaran hai ki jo tha

Haidar Ali Aatish

aaina sina-e-sahab-nazaran hai ki jo tha

Haidar Ali Aatish

MORE BY Haidar Ali Aatish

    aa.ina sīna-e-sāhab-nazarāñ hai ki jo thā

    chehra-e-shāhid-e-maqsūd ayaañ hai ki jo thā

    ishq-e-gul meñ vahī bulbul fuġhāñ hai ki jo thā

    partav-e-mah se vahī hāl-e-katāñ hai ki jo thā

    ālam-e-husn ḳhudā-dād-e-butāñ hai ki jo thā

    nāz-o-andāz balā-e-dil-o-jāñ hai ki jo thā

    raah meñ terī shab-o-roz basar kartā huuñ

    vahī miil aur vahī sañg-e-nishāñ hai ki jo thā

    roz karte haiñ shab-e-hijr ko bedārī meñ

    apnī āñkhoñ meñ subuk ḳhvāb-e-girāñ hai ki jo thā

    ek aalam meñ ho har-chand masīhā mash.hūr

    nām-e-bīmār se tum ko ḳhafaqāñ hai ki jo thā

    daulat-e-ishq ganjīna vahī siina hai

    dāġh-e-dil zaḳhm-e-jigar mohr-o-nishāñ hai ki jo thā

    nāz-o-andāz-o-adā se tumheñ sharm aane lagī

    aarzī husn aalam vo kahāñ hai ki jo thā

    jaañ taskīñ ke liye hālat-e-dil kahte haiñ

    be yaqīnī tirī ham ko gumāñ hai ki jo thā

    asar-e-manzil-e-maqsūd nahīñ duniyā meñ

    raah meñ qāfila-e-reg-e-ravāñ hai ki jo thā

    dahan us rū-e-kitābī meñ hai par nā-paidā

    ism-e-āzam vahī qur.āñ meñ nihāñ hai ki jo thā

    ka.aba-e-madd-e-nazar qibla-numā hai tā-hāl

    kū-e-jānāñ taraf dil nigarāñ hai ki jo thā

    koh-o-sahrā-o-gulistāñ meñ phirā kartā hai

    mutalāshī vo tirā āb-e-ravāñ hai ki jo thā

    sozish-e-dil se tasalsul hai vahī aahoñ

    uud ke jalne se mujmir meñ dhuāñ hai ki jo thā

    raat kaT jaatī hai bāteñ vahī sunte sunte

    sham-e-mahfil sanam-e-charb-zabāñ hai ki jo thā

    pā-e-ḳham mastoñ ke hū-haq jo aalam hai so hai

    sar-e-mimbar vahī vaa.iz bayāñ hai ki jo thā

    kaun se din na.ī qabreñ nahīñ is meñ bantīñ

    ye ḳharāba vahī ibrat makāñ hai ki jo thā

    be-ḳhabar shauq se mere nahīñ vo nūr-e-nigāh

    qāsid-e-ashk shab-o-roz vahāñ hai ki jo thā

    lailatul-qadr kināya na shab-e-vasl se ho

    us afsāna miyān-e-ramazāñ hai ki jo thā

    dīn-o-duniyā talabgār hanūz 'ātish' hai

    ye gadā sā.il-e-nadq-e-do-jahāñ hai ki jo thā

    aaina sina-e-sahab-nazaran hai ki jo tha

    chehra-e-shahid-e-maqsud ayan hai ki jo tha

    ishq-e-gul mein wahi bulbul ka fughan hai ki jo tha

    partaw-e-mah se wahi haal-e-katan hai ki jo tha

    aalam-e-husn KHuda-dad-e-butan hai ki jo tha

    naz-o-andaz bala-e-dil-o-jaan hai ki jo tha

    rah mein teri shab-o-roz basar karta hun

    wahi mil aur wahi sang-e-nishan hai ki jo tha

    roz karte hain shab-e-hijr ko bedari mein

    apni aankhon mein subuk KHwab-e-giran hai ki jo tha

    ek aalam mein ho har-chand masiha mashhur

    nam-e-bimar se tum ko KHafaqan hai ki jo tha

    daulat-e-ishq ka ganjina wahi sina hai

    dagh-e-dil zaKHm-e-jigar mohr-o-nishan hai ki jo tha

    naz-o-andaz-o-ada se tumhein sharm aane lagi

    aarzi husn ka aalam wo kahan hai ki jo tha

    jaan ki taskin ke liye haalat-e-dil kahte hain

    be yaqini ka teri hum ko guman hai ki jo tha

    asar-e-manzil-e-maqsud nahin duniya mein

    rah mein qafila-e-reg-e-rawan hai ki jo tha

    dahan us ru-e-kitabi mein hai par na-paida

    ism-e-azam wahi quran mein nihan hai ki jo tha

    kaba-e-madd-e-nazar qibla-numa hai ta-haal

    ku-e-jaanan ki taraf dil nigaran hai ki jo tha

    koh-o-sahra-o-gulistan mein phira karta hai

    mutalashi wo tera aab-e-rawan hai ki jo tha

    sozish-e-dil se tasalsul hai wahi aahon ka

    ud ke jalne se mujmir mein dhuan hai ki jo tha

    raat kaT jati hai baaten wahi sunte sunte

    sham-e-mahfil sanam-e-charb-zaban hai ki jo tha

    pa-e-KHam maston ke hu-haq ka jo aalam hai so hai

    sar-e-mimbar wahi waiz ka bayan hai ki jo tha

    kaun se din nai qabren nahin is mein bantin

    ye KHaraba wahi ibrat ka makan hai ki jo tha

    be-KHabar shauq se mere nahin wo nur-e-nigah

    qasid-e-ashk shab-o-roz wahan hai ki jo tha

    lailatul-qadr kinaya na shab-e-wasl se ho

    us ka afsana miyan-e-ramazan hai ki jo tha

    din-o-duniya ka talabgar hanuz 'atish' hai

    ye gada sail-e-nadq-e-do-jahan hai ki jo tha

    RECITATIONS

    Fasih Akmal

    Fasih Akmal

    Fasih Akmal

    aaina sina-e-sahab-nazaran hai ki jo tha Fasih Akmal

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY