aaine mein aks khilta hai gul-e-hairat nahin

Ghulam Husain Sajid

aaine mein aks khilta hai gul-e-hairat nahin

Ghulam Husain Sajid

MORE BY Ghulam Husain Sajid

    aa.ine meñ aks khiltā hai gul-e-hairat nahīñ

    log sach kahte haiñ āñkhoñ koī ne.amat nahīñ

    ab bahar-sūrat sar-e-maidāñ utarnā hai mujhe

    kār-zār-e-ishq se paspā.ī sūrat nahīñ

    us ke hone se huī hai apne hone ḳhabar

    koī dushman se ziyāda lā.eq-e-izzat nahīñ

    sair karnā chāhtā huuñ maiñ jahāñ-ābād

    aur ruk kar dekh lene mujhe fursat nahīñ

    ishq par faa.ez huuñ auroñ tarah lekin mujhe

    vasl lapkā nahīñ hai hijr se vahshat nahīñ

    raat vo aañsū bahā.e haiñ ki mere qalb par

    sub.h āġhosh karnā mirī ujrat nahīñ

    jis qadar mahmez kartā huuñ maiñ 'sājid' vaqt ko

    us qadar be-sabr rahne use aadat nahīñ

    aaine mein aks khilta hai gul-e-hairat nahin

    log sach kahte hain aankhon si koi neamat nahin

    ab bahar-surat sar-e-maidan utarna hai mujhe

    kar-zar-e-ishq se paspai ki surat nahin

    us ke hone se hui hai apne hone ki KHabar

    koi dushman se ziyaada laeq-e-izzat nahin

    sair karna chahta hun main jahan-abaad ki

    aur ruk kar dekh lene ki mujhe fursat nahin

    ishq par faez hun auron ki tarah lekin mujhe

    wasl ka lapka nahin hai hijr se wahshat nahin

    raat wo aansu bahae hain ki mere qalb par

    subh ka aaghosh wa karna meri ujrat nahin

    jis qadar mahmez karta hun main 'sajid' waqt ko

    us qadar be-sabr rahne ki use aadat nahin

    Source:

    • Book : Quarterly TASTEER Lahore (Pg. 162)
    • Author : Naseer Ahmed Nasir
    • Publication : Room No.-1,1st Floor, Awan Plaza, Shadman Market, Lahore (Issue No. 5,6 April To Sep. 1998)
    • Edition : Issue No. 5,6 April To Sep. 1998
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY