aaiye ro len kahin rone se chain aa jaega

aa.iye ro leñ kahīñ rone se chain aa jā.egā

varna dard-e-dil bharī mahfil meñ pakḌā jā.egā

chāñd kī chāhat hai lekin chāñd ko kam dekhiye

varna jab āñkhoñ meñ bas jā.egā gahnā jā.egā

jumbish-e-mauj-e-sabā se bhī agar lab hil ga.e

baat pakḌī jā.egī mahshar uThāyā jā.egā

sardiyoñ kī os meñ ThiThurā huā ik ajnabī

kal tirī dīvār ke saa.e meñ paayā jā.egā

diid kī mohlat to miltī hai magar kyā dekhiye

aañkh bujh jā.egī āḳhir phuul kumhlā jā.egā

ai sabā fursat nahīñ ḳhākistar-e-dil se na khel

ham agar ro.e to phir tā-der royā jā.egā

aaiye ro len kahin rone se chain aa jaega

warna dard-e-dil bhari mahfil mein pakDa jaega

chand ki chahat hai lekin chand ko kam dekhiye

warna jab aankhon mein bas jaega gahna jaega

jumbish-e-mauj-e-saba se bhi agar lab hil gae

baat pakDi jaegi mahshar uThaya jaega

sardiyon ki os mein ThiThura hua ek ajnabi

kal teri diwar ke sae mein paya jaega

did ki mohlat to milti hai magar kya dekhiye

aankh bujh jaegi aaKHir phul kumhla jaega

ai saba fursat nahin KHakistar-e-dil se na khel

hum agar roe to phir ta-der roya jaega