aaj basti mein teri saneha aisa dekha

aaj bastī meñ tirī sāneha aisā dekhā

ham ne har aañkh meñ biphrā huā dariyā dekhā

jaane ta.abīr ho ab kaisī ḳhudā ḳhair kare

raat phir ḳhvāb meñ khiltā huā ġhuncha dekhā

us ne pūchhā bhī nahīñ raah kī kyoñ dhuul hue

umr bhī baiTh ke jis shaḳhs kā rasta dekhā

jo pahāḌoñ se chale ziist kā sāmāñ le kar

ham ne har jharne meñ ik nuur kā dhārā dekhā

aa.ina kahne lagā kaan meñ chupke chupke

be-amal shaḳhs koī aur na tujh sā dekhā

phuul shāḳhoñ pe khile aap se aur phir na mile

mausam-e-hijr na kuchh tū ne bhī sochā dekhā

jaane kyūñ-kar vo pareshān sā rahtā hai 'razā'

jab bhī dekhā hai kisī soch meñ Duubā dekhā

aaj basti mein teri saneha aisa dekha

hum ne har aankh mein biphra hua dariya dekha

jaane tabir ho ab kaisi KHuda KHair kare

raat phir KHwab mein khilta hua ghuncha dekha

us ne puchha bhi nahin rah ki kyon dhul hue

umr bhi baiTh ke jis shaKHs ka rasta dekha

jo pahaDon se chale zist ka saman le kar

hum ne har jharne mein ek nur ka dhaara dekha

aaina kahne laga kan mein chupke chupke

be-amal shaKHs koi aur na tujh sa dekha

phul shaKHon pe khile aap se aur phir na mile

mausam-e-hijr na kuchh tu ne bhi socha dekha

jaane kyun-kar wo pareshan sa rahta hai 'raza'

jab bhi dekha hai kisi soch mein Duba dekha