aaj be-chehra hain chehron ke samundar kitne

aaj be-chehra haiñ chehroñ ke samundar kitne

aa.ine DhūñDte phirte haiñ sikandar kitne

maiñ ne bachchoñ ke namūne ke jo banvā.e the

bah ga.e vaqt ke sailāb meñ vo ghar kitne

ek aañsū bhī nahīñ ek tabassum bhī nahīñ

miT ga.e harf-e-ġhalat ban ke muqaddar kitne

ham ne apnā hī makāñ aaj khulā chhoḌ diyā

pheñk saktā hai kahīñ se koī patthar kitne

garm-bāzārī salīboñ se baḌhī hai aage

raat din karte haiñ saudāgarī ḳhanjar kitne

tishnagī Dastī rahī tishna-labī ko lekin

shīsh-mahloñ meñ chhalakte rahe sāġhar kitne

ho gayā lafz-e-vafā band kitāboñ meñ 'razā'

sard-mehrī ke har ik samt haiñ daftar kitne

aaj be-chehra hain chehron ke samundar kitne

aaine DhunDte phirte hain sikandar kitne

main ne bachchon ke namune ke jo banwae the

bah gae waqt ke sailab mein wo ghar kitne

ek aansu bhi nahin ek tabassum bhi nahin

miT gae harf-e-ghalat ban ke muqaddar kitne

hum ne apna hi makan aaj khula chhoD diya

phenk sakta hai kahin se koi patthar kitne

garm-bazari salibon se baDhi hai aage

raat din karte hain saudagari KHanjar kitne

tishnagi Dasti rahi tishna-labi ko lekin

shish-mahlon mein chhalakte rahe saghar kitne

ho gaya lafz-e-wafa band kitabon mein 'raza'

sard-mehri ke har ek samt hain daftar kitne