aaj bhi jis ki hai ummid wo kal aae hue

Shahid Latif

aaj bhi jis ki hai ummid wo kal aae hue

Shahid Latif

MORE BYShahid Latif

    aaj bhī jis hai ummīd vo kal aa.e hue

    in daraḳhtoñ pe zamāna huā phal aa.e hue

    koī chehrā hai jo lagtā na ho murjhāyā huā

    koī peshānī hai jis par na huuñ bal aa.e hue

    ik nazar dekh le shāyad tujhe yaad aa jaa.eñ

    ham vahī haiñ tirī mahfil se nikal aa.e hue

    jaise har chiiz nigāhoñ meñ Thaharnā chāhe

    dekh lenā kabhī mausam pe ġhazal aa.e hue

    kyā gulāboñ vo albelī ruteñ ruuTh ga.iiñ

    in dinoñ hadd-e-nazar tak haiñ kañval aa.e hue

    lafz mafhūm se begāna haiñ muddat guzrī

    apne hisse meñ ġhazal jaisī ġhazal aa.e hue

    haa.e vo log jo har vaqt nazar aate the

    ḳhaak uḌaa.e hue chehre pe bhī mal aa.e hue

    aaj bhi jis ki hai ummid wo kal aae hue

    in daraKHton pe zamana hua phal aae hue

    koi chehra hai jo lagta na ho murjhaya hua

    koi peshani hai jis par na hun bal aae hue

    ek nazar dekh le shayad tujhe yaad aa jaen

    hum wahi hain teri mahfil se nikal aae hue

    jaise har chiz nigahon mein Thaharna chahe

    dekh lena kabhi mausam pe ghazal aae hue

    kya gulabon ki wo albeli ruten ruTh gain

    in dinon hadd-e-nazar tak hain kanwal aae hue

    lafz mafhum se begana hain muddat guzri

    apne hisse mein ghazal jaisi ghazal aae hue

    hae wo log jo har waqt nazar aate the

    KHak uDae hue chehre pe bhi mal aae hue

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY