aaj bhi teri hi surat hai muqabil mere

aaj bhī terī hī sūrat hai muqābil mere

ye bhī ik ishq kā andāz hai qātil mere

terā mahrūm-e-mohabbat huuñ so vāpas na gayā

be-mohabbat kabhī dar se koī saa.il mere

husn-e-bīmār tujhe phuul diye haiñ maiñ ne

in meñ hone the magar zaḳhm bhī shāmil mere

aur maiñ huuñ ki safar phir bhī kiye jaatā huuñ

saa.e kī tarah ta.āqub meñ hai manzil mere

maiñ samundar ke talātum se bhī kuchh sīkhtā huuñ

isī taqsīr pe dushman hue sāhil mere

aaj ārā.ishī zanjīr hai gardan meñ 'kamāl'

kabhī hathiyār gale meñ the hamā.il mere

aaj bhi teri hi surat hai muqabil mere

ye bhi ek ishq ka andaz hai qatil mere

tera mahrum-e-mohabbat hun so wapas na gaya

be-mohabbat kabhi dar se koi sail mere

husn-e-bimar tujhe phul diye hain main ne

in mein hone the magar zaKHm bhi shamil mere

aur main hun ki safar phir bhi kiye jata hun

sae ki tarah taaqub mein hai manzil mere

main samundar ke talatum se bhi kuchh sikhta hun

isi taqsir pe dushman hue sahil mere

aaj aaraishi zanjir hai gardan mein 'kamal'

kabhi hathiyar gale mein the hamail mere