aaj gulshan mein ye afwah uDa di jae

aaj gulshan meñ ye afvāh uḌā dī jaa.e

zindagī kī sabhī ḳhushiyoñ ko havā dī jaa.e

bāda-e-uns yuuñ taqsīm karā dī jaa.e

koī baaqī na rahe sab ko pilā dī jaa.e

parcham ab zulm kā lahrāte haiñ har sū zālim

aap batlā.iye kis-kis ko sazā dī jaa.e

log jeboñ meñ chhupe saañp liye phirte haiñ

qarya-qarya ye ḳhabar sab ko sunā dī jaa.e

jhukne paa.e na kabhī amn-o-amāñ kā parcham

uTTho nafrat kī ye dīvār girā dī jaa.e

hind merā hī nahīñ sab kā hī pyārā hai vatan

dil meñ har ek ke ye baat biThā dī jaa.e

lafz āsān 'niyāzī' haiñ tirī ġhazloñ meñ

in meñ ab 'mīr' kī tasvīr lagā dī jaa.e

aaj gulshan mein ye afwah uDa di jae

zindagi ki sabhi KHushiyon ko hawa di jae

baada-e-uns yun taqsim kara di jae

koi baqi na rahe sab ko pila di jae

parcham ab zulm ka lahraate hain har su zalim

aap batlaiye kis-kis ko saza di jae

log jebon mein chhupe sanp liye phirte hain

qarya-qarya ye KHabar sab ko suna di jae

jhukne pae na kabhi amn-o-aman ka parcham

uTTho nafrat ki ye diwar gira di jae

hind mera hi nahin sab ka hi pyara hai watan

dil mein har ek ke ye baat biTha di jae

lafz aasan 'niyazi' hain teri ghazlon mein

in mein ab 'mir' ki taswir laga di jae