aaj hai dahr mein kya ek nai aafat ke siwa
aaj hai dahr meñ kyā ik na.ī aafat ke sivā
buġhz-o-nafrat ke sivā ranj-o-musībat ke sivā
is tarah chhāyā huā hai nigah-o-dil pe tilism
jaise har chiiz haqīqat ho haqīqat ke sivā
apne har jabr ko vo mehr-o-vafā kahte haiñ
ham bhī kuchh naam na deñ us ko mohabbat ke sivā
hastī-e-ishq ko ab tak na koī jaan sakā
varna hai dahr meñ kyā aur mohabbat ke sivā
har-nafas ik na.e tūfān kī yūrish hai 'hayāt'
kis ko ilzām deñ is daur meñ qismat ke sivā
aaj hai dahr mein kya ek nai aafat ke siwa
bughz-o-nafrat ke siwa ranj-o-musibat ke siwa
is tarah chhaya hua hai nigah-o-dil pe tilism
jaise har chiz haqiqat ho haqiqat ke siwa
apne har jabr ko wo mehr-o-wafa kahte hain
hum bhi kuchh nam na den us ko mohabbat ke siwa
hasti-e-ishq ko ab tak na koi jaan saka
warna hai dahr mein kya aur mohabbat ke siwa
har-nafas ek nae tufan ki yurish hai 'hayat'
kis ko ilzam den is daur mein qismat ke siwa
Source:
Rooh-e-Ghazal,Pachas Sala Intekhab (Pg. 768)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
