aaj kal bhes mein leader ke hai shaitan samjha
aaj kal bhes meñ leader ke hai shaitāñ samjhā
magar is bhed ko hindū na musalmāñ samjhā
pairahan jism ke ham-rañg thā us ke itnā
koī malbūs use samjhā koī uryāñ samjhā
gar yahī qadr-e-suḳhan hai to suḳhan par la.anat
ek qavvāl ko tū shā.ir-e-daurāñ samjhā
ban ke mehmāñ jo gayā ho gayā juutā ġhā.eb
mezbānī ke na is raaz ko mehmāñ samjhā
jab hī us shoḳh ne pūchhā ki taḳhallus kyā hai
dekh kar shakl mirī mujh ko ġhazal-ḳhvāñ samjhā
baap thā us kā khaḌā dar pe magar ḳhair huī
ya.anī vo mujh ko gadā maiñ use darbāñ samjhā
us ke āñchal meñ ghusā thā koī jugnū 'hāshim'
aur maiñ us ko charāġh-e-tah-e-dāmāñ samjhā
aaj kal bhes mein leader ke hai shaitan samjha
magar is bhed ko hindu na musalman samjha
pairahan jism ke ham-rang tha us ke itna
koi malbus use samjha koi uryan samjha
gar yahi qadr-e-suKHan hai to suKHan par lanat
ek qawwal ko tu shair-e-dauran samjha
ban ke mehman jo gaya ho gaya juta ghaeb
mezbani ke na is raaz ko mehman samjha
jab hi us shoKH ne puchha ki taKHallus kya hai
dekh kar shakl meri mujh ko ghazal-KHwan samjha
bap tha us ka khaDa dar pe magar KHair hui
yani wo mujh ko gada main use darban samjha
us ke aanchal mein ghusa tha koi jugnu 'hashim'
aur main us ko charagh-e-tah-e-daman samjha
Source:
Andaz-e-Bayan Aur (Pg. 46)
- Author: Hashim Azimabadi
-
- Publisher: Bihar Urdu Academy, Patna
- Year of Publication: 1982
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
