aaj ke daur mein mohabbat kya

aaj ke daur meñ mohabbat kyā

kis ne jaanā hai is kī izzat kyā

ho sikandar yā koī shāh-jahāñ

kaam aa.ī kisī ke daulat kyā

qadr maañ kī jo kar nahīñ saktā

jaane kyā hotī hai ye jannat kyā

dil mirā māñgte ho kyuuñ āḳhir

karnā hai us kī bhī tijārat kyā

jis pe jaa.ez zakāt hai vaa.iz

aap ke paas hai vo daulat kyā

mol terā batā maiñ kyā de duuñ

jāntā hai to apnī qīmat kyā

chain hai amn hai ḳhushī hai yahāñ

hai ye daulat tirī badaulat kyā

pyaar kī aañkh hī nahīñ 'panchhī'

kaun dekhegā dil kī hālat kyā

aaj ke daur mein mohabbat kya

kis ne jaana hai is ki izzat kya

ho sikandar ya koi shah-jahan

kaam aai kisi ke daulat kya

qadr man ki jo kar nahin sakta

jaane kya hoti hai ye jannat kya

dil mera mangte ho kyun aaKHir

karna hai us ki bhi tijarat kya

jis pe jaez zakat hai waiz

aap ke pas hai wo daulat kya

mol tera bata main kya de dun

jaanta hai to apni qimat kya

chain hai amn hai KHushi hai yahan

hai ye daulat teri badaulat kya

pyar ki aankh hi nahin 'panchhi'

kaun dekhega dil ki haalat kya