aaj khiDki se jo bahar dekha

aaj khiḌkī se jo bāhar dekhā

apne saa.e ko saḌak par dekhā

ḳhāmushī chhā.ī thī galiyoñ galiyoñ

aur kohrām sā ghar ghar dekhā

yuuñ to har shaḳhs ko muḳhlis paayā

vaise har haath meñ patthar dekhā

kaun ruktā hai kisī kī ḳhātir

kis ne raste meñ palaT kar dekhā

ek uḌte hue patte kī tarah

ḳhud ko lamhāt kī zad par dekhā

ham ne jis aañkh meñ jhāñkā 'sarvat'

ek ḳhvāboñ kā samundar dekhā

aaj khiDki se jo bahar dekha

apne sae ko saDak par dekha

KHamushi chhai thi galiyon galiyon

aur kohram sa ghar ghar dekha

yun to har shaKHs ko muKHlis paya

waise har hath mein patthar dekha

kaun rukta hai kisi ki KHatir

kis ne raste mein palaT kar dekha

ek uDte hue patte ki tarah

KHud ko lamhat ki zad par dekha

hum ne jis aankh mein jhanka 'sarwat'

ek KHwabon ka samundar dekha