aaj maqtal ko sajaya ja raha hai

aaj maqtal ko sajāyā jā rahā hai

ḳhūn-e-nāhaq bhī bahāyā jā rahā hai

raqs karne ke liye kuchh laḌkiyoñ ko

baarī baarī hī bulāyā jā rahā hai

jis ne kalima paḌh liyā thā āḳhirī dam

is kā lāsha kyuuñ jalāyā jā rahā hai

us ke lahje meñ ra.ūnat to nahīñ hai

us ko nazroñ se girāyā jā rahā hai

ghar to ḳhālī hai guzishta ek maah se

mere hāthoñ se karāyā jā rahā hai

mann-o-salvā se bahut aage hai ye

karbalā lañgar jo khāyā jā rahā hai

do haiñ shā.ir sirf cigarette ek hai

baarī baarī kash lagā yā jā rahā hai

aap kā mujh se jo rishta hai use

kitnī diqqat se nibhāyā jā rahā hai

aaj maqtal ko sajaya ja raha hai

KHun-e-nahaq bhi bahaya ja raha hai

raqs karne ke liye kuchh laDkiyon ko

bari bari hi bulaya ja raha hai

jis ne kalima paDh liya tha aaKHiri dam

is ka lasha kyun jalaya ja raha hai

us ke lahje mein raunat to nahin hai

us ko nazron se giraya ja raha hai

ghar to KHali hai guzishta ek mah se

mere hathon se karaya ja raha hai

mann-o-salwa se bahut aage hai ye

karbala langar jo khaya ja raha hai

do hain shair sirf cigarette ek hai

bari bari kash laga ya ja raha hai

aap ka mujh se jo rishta hai use

kitni diqqat se nibhaya ja raha hai