aaj palkon ko jate hain aansu
aaj palkoñ ko jaate haiñ aañsū
ulTī gañgā bahāte haiñ aañsū
ātish-e-dil to ḳhaak bujhtī hai
aur jī ko jalāte haiñ aañsū
ḳhūn-e-dil kam huā magar jo mire
aaj tham tham ke aate haiñ aañsū
jab talak diida girya-sāmāñ ho
dil meñ kyā josh khāte haiñ aañsū
gokharo par tumhārī añgiyā ke
kis ke ye lahar khāte haiñ aañsū
terī pāzeb ke jo haiñ motī
un se āñkheñ laḌāte haiñ aañsū
sham.a kī tarah ik lagan meñ mire
'mus.hafī' kab samāte haiñ aañsū
fikr kar un kī varna majlis meñ
abhī tūfāñ laate haiñ aañsū
aaj palkon ko jate hain aansu
ulTi ganga bahate hain aansu
aatish-e-dil to KHak bujhti hai
aur ji ko jalate hain aansu
KHun-e-dil kam hua magar jo mere
aaj tham tham ke aate hain aansu
jab talak dida girya-saman ho
dil mein kya josh khate hain aansu
gokharo par tumhaari angiya ke
kis ke ye lahar khate hain aansu
teri pazeb ke jo hain moti
un se aankhen laDate hain aansu
shama ki tarah ek lagan mein mere
'mushafi' kab samate hain aansu
fikr kar un ki warna majlis mein
abhi tufan late hain aansu
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
