aaj phir arz-e-tamanna kar na de ruswa mujhe

aaj phir 'arz-e-tamannā kar na de rusvā mujhe

Dar hai isrār-e-musalsal āḳhrī had chhū na le

dil chaTaḳh jaatā hai merā dekhtā huuñ ḳhud ko jab

barsar-e-paikār shīshe meñ khaḌe ik shaḳhs se

maskan-e-vīrāñ ke darvāze kī kunDī khol kar

zang-ālūda qafas kī sauñp de chābī mujhe

bār-e-ḳhātir ban ga.ī hālāt ke pesh-e-nazar

zindagī merī nikal aa.e ġhamoñ ke jamghaTe

aarzū armān hasrat dard-e-dil soz-e-jigar

jis jagah ye sab na hoñ ai dil vahāñ le chal mujhe

dil ke āñgan meñ sajī tasvīr kī taqlīd meñ

aañkh meñ aañsū laboñ par muskurāhaT hai mire

intizār-e-marg hai to zahr kā piyāla uThā

intizār-e-zīst hai to bhuul jā 'kāmī' use

aaj phir 'arz-e-tamanna kar na de ruswa mujhe

Dar hai israr-e-musalsal aaKHri had chhu na le

dil chaTaKH jata hai mera dekhta hun KHud ko jab

barsar-e-paikar shishe mein khaDe ek shaKHs se

maskan-e-viran ke darwaze ki kunDi khol kar

zang-aluda qafas ki saunp de chabi mujhe

bar-e-KHatir ban gai haalat ke pesh-e-nazar

zindagi meri nikal aae ghamon ke jamghaTe

aarzu arman hasrat dard-e-dil soz-e-jigar

jis jagah ye sab na hon ai dil wahan le chal mujhe

dil ke aangan mein saji taswir ki taqlid mein

aankh mein aansu labon par muskurahaT hai mere

intizar-e-marg hai to zahr ka piyala uTha

intizar-e-zist hai to bhul ja 'kaami' use