aaj phir ru-ba-ru karoge tum

Shahid Kamal

aaj phir ru-ba-ru karoge tum

Shahid Kamal

MORE BYShahid Kamal

    aaj phir rū-ba-rū karoge tum

    mujh se kyā guftugū karoge tum

    mujh se loge mire lahū qisās

    phir mujhe surḳh-rū karoge tum

    haif ho merī bad-mizājī par

    aap apnā lahū karoge tum

    tum gañvā doge ek din mujh ko

    phir mirī justujū karoge tum

    tum saf-e-dostāñ meñ ho lekin

    phir bhī kār-e-adū karoge tum

    zaḳhm par zaḳhm khaa.e jaate ho

    aur rafū par rafū karoge tum

    ham bhī maqtal meñ sar kaTā.eñge

    apne ḳhuuñ se vuzū karoge tum

    ai mirī jaan aib hai ye bhī

    ham ko maiñ tum ko karoge tum

    maiñ to 'shāhid' bhī huuñ 'kamāl' bhī huuñ

    mere haq meñ ġhulū karoge tum

    aaj phir ru-ba-ru karoge tum

    mujh se kya guftugu karoge tum

    mujh se loge mere lahu qisas

    phir mujhe surKH-ru karoge tum

    haif ho meri bad-mizaji par

    aap apna lahu karoge tum

    tum ganwa doge ek din mujh ko

    phir meri justuju karoge tum

    tum saf-e-dostan mein ho lekin

    phir bhi kar-e-adu karoge tum

    zaKHm par zaKHm khae jate ho

    aur rafu par rafu karoge tum

    hum bhi maqtal mein sar kaTaenge

    apne KHun se wuzu karoge tum

    ai meri jaan aib hai ye bhi

    hum ko main tum ko tu karoge tum

    main to 'shahid' bhi hun 'kamal' bhi hun

    mere haq mein ghulu karoge tum

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY