aaj phir vaqt koī apnī nishānī māñge
baat bhūlī huī zaḳhmoñ kī zabānī māñge
jazba-e-shauq ki vāraft-e-husn-e-ib.hām
aur vo shoḳh ki lafzoñ ke ma.ānī māñge
araq-ālūd haiñ ye soch ke aariz gul ke
sub.h-e-ḳhurshīd na shabnam kī javānī māñge
jaane kyuuñ shaam Dhale Dūbte sūraj kā samāñ
dil se phir bhūlī huī koī kahānī māñge
vaqt har gaam pe ik zaḳhm nayā detā hai
aur shā.ir se jahāñ zamzama-ḳhvānī māñge
dil ki tapte hue sahrā kā hai rahrav pyāre
phir tirī zulf se ik shaam suhānī māñge
aaj phir waqt koi apni nishani mange
baat bhuli hui zaKHmon ki zabani mange
jazba-e-shauq ki waraft-e-husn-e-ibham
aur wo shoKH ki lafzon ke maani mange
araq-alud hain ye soch ke aariz gul ke
subh-e-KHurshid na shabnam ki jawani mange
jaane kyun sham Dhale Dubte suraj ka saman
dil se phir bhuli hui koi kahani mange
waqt har gam pe ek zaKHm naya deta hai
aur shair se jahan zamzama-KHwani mange
dil ki tapte hue sahra ka hai rahraw pyare
phir teri zulf se ek sham suhani mange
Source:
Tanha Tanha (Pg. 49)
-
Author:
Sayed Shakeel Desnavi
-
- Edition: 1989
- Publisher: Adshot Publications,
- Year of Publication: 1989
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.