aaj sunta kaun hai is mahram-e-asrar ki

aaj suntā kaun hai is mahram-e-asrār kī

kal likhī jā.eñge sharheñ mere in ash.ār kī

kuchh to kahiye apnī ḳhātir tā-ki ho sābit vajūd

aa.ine ko bhī zarūrat hai yahāñ zañgār kī

raushnī phir raushnī hai ho haram yā dair meñ

uḌ ke pahuñchā daad diije kirmak-e-par-dār kī

ahl-e-haq ke vāste hai zindagī ek pul-sirāt

jī rahā huuñ dekhiye maiñ dhaar par talvār kī

be-niyāz-e-har-do-ālam huuñ ba-faiz-e-lam-yazal

qalb meñ sūrat utar ke rah ga.ī hai yaar kī

aaj sunta kaun hai is mahram-e-asrar ki

kal likhi jaenge sharhen mere in ashaar ki

kuchh to kahiye apni KHatir ta-ki ho sabit wajud

aaine ko bhi zarurat hai yahan zangar ki

raushni phir raushni hai ho haram ya dair mein

uD ke pahuncha dad dije kirmak-e-par-dar ki

ahl-e-haq ke waste hai zindagi ek pul-siraat

ji raha hun dekhiye main dhaar par talwar ki

be-niyaz-e-har-do-alam hun ba-faiz-e-lam-yazal

qalb mein surat utar ke rah gai hai yar ki