aaj us bazm mein yun dad-e-wafa di jae

aaj us bazm meñ yuuñ dād-e-vafā dī jaa.e

ai ġham-e-ishq tirī umr baḌhā dī jaa.e

mausam-e-ḳhanda-e-gul hai to zabāñ band rakkheñ

baat apnī bhī hañsī meñ na uḌā dī jaa.e

ishva-e-nāz-o-adā jaur o jafā makr o daġhā

kaise jī leñ jo har ik baat bhulā dī jaa.e

us ke ġham hī se hai har dard kā rishta ab tak

dil pe jab choT lage us ko duā dī jaa.e

jurm-e-ahbāb kī pursish bhī mujhī se hai 'shakīl'

mujh ko mere hī qusūroñ kī sazā dī jaa.e

aaj us bazm mein yun dad-e-wafa di jae

ai gham-e-ishq teri umr baDha di jae

mausam-e-KHanda-e-gul hai to zaban band rakkhen

baat apni bhi hansi mein na uDa di jae

ishwa-e-naz-o-ada jaur o jafa makr o dagha

kaise ji len jo har ek baat bhula di jae

us ke gham hi se hai har dard ka rishta ab tak

dil pe jab choT lage us ko dua di jae

jurm-e-ahbab ki pursish bhi mujhi se hai 'shakil'

mujh ko mere hi qusuron ki saza di jae