aaj wo KHushbu mere gulzar mein bhi aaegi

Syed Shiban Qadri

aaj wo KHushbu mere gulzar mein bhi aaegi

Syed Shiban Qadri

MORE BYSyed Shiban Qadri

    aaj vo ḳhushbū mire gulzār meñ bhī aa.egī

    us ke aane se mahak ash.ār meñ bhī aa.egī

    ḳhvāb meñ dekhā thā us ko ye to sochā bhī na thā

    vo mire kāshāna-e-afkār meñ bhī aa.egī

    nā-balad honā duā-e-nūh se achchhā nahīñ

    kashtī-e-hastī tirī mañjdhār meñ bhī aa.egī

    kah rahī hai regzāroñ se na.ī rut havā

    ab bahār-e-be-ḳhizāñ kohsār meñ bhī aa.egī

    us ne farsh-e-bāġh par chhiḌkī hai āñkhoñ se sharāb

    mastī-e-mai ab gul-o-gulzār meñ bhī aa.egī

    be-navā lafzoñ ko baḳhsheñge agar e.azāz ham

    tāzgī pairāya-e-iz.hār meñ bhī aa.egī

    haar sharmindagī se bach gayā merā harīf

    kyā ḳhabar thī ye ḳhabar aḳhbār meñ bhī aa.egī

    bik rahe haiñ marmarī jism ek roTī ke evaz

    ye girāvaT ab suḳhan-bāzār meñ bhī aa.egī

    vo bhī din aa.egā jab shahzādī-e-mulk-e-suḳhan

    mujh se milne ko baḌe darbār meñ bhī aa.egī

    sāhiloñ par ghar banā.eñge agar 'shībān' ham

    kuchh namī ghar ke dar-o-dīvār meñ bhī aa.egī

    aaj wo KHushbu mere gulzar mein bhi aaegi

    us ke aane se mahak ashaar mein bhi aaegi

    KHwab mein dekha tha us ko ye to socha bhi na tha

    wo mere kashana-e-afkar mein bhi aaegi

    na-balad hona dua-e-nuh se achchha nahin

    kashti-e-hasti teri manjdhaar mein bhi aaegi

    kah rahi hai regzaron se nai rut ki hawa

    ab bahaar-e-be-KHizan kohsar mein bhi aaegi

    us ne farsh-e-bagh par chhiDki hai aankhon se sharab

    masti-e-mai ab gul-o-gulzar mein bhi aaegi

    be-nawa lafzon ko baKHshenge agar eazaz hum

    tazgi pairaya-e-izhaar mein bhi aaegi

    haar ki sharmindagi se bach gaya mera harif

    kya KHabar thi ye KHabar aKHbar mein bhi aaegi

    bik rahe hain marmari jism ek roTi ke ewaz

    ye girawaT ab suKHan-bazar mein bhi aaegi

    wo bhi din aaega jab shahzadi-e-mulk-e-suKHan

    mujh se milne ko baDe darbar mein bhi aaegi

    sahilon par ghar banaenge agar 'shiban' hum

    kuchh nami ghar ke dar-o-diwar mein bhi aaegi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY