aajizi ko chalan kiye hue hain
ājizī ko chalan kiye hue haiñ
ḳhaak apnā badan kiye hue huuñ
hijr ik mustaqil libās mirā
jis ko maiñ zeb-e-tan kiye hue huuñ
chand aañsū mirā asāsa haiñ
jin ko maiñ vaqf-e-fan kiye hue huuñ
aable ug rahe haiñ paañv meñ
dasht-e-sarv-e-suman kiye hue huuñ
ghar meñ rah kar bhī ghar nahīñ rahtā
ḳhud ko yuuñ be-vatan kiye hue huuñ
maut se pahle mar gayā huuñ maiñ
zindagī ko kafan kiye hue huuñ
us kā lahja karaḳht ho gayā hai
aur maiñ husn-e-zan kiye hue huuñ
ik tirī yaad hai jise 'zāhid'
apne dil kī chubhan kiye hue huuñ
aajizi ko chalan kiye hue hain
KHak apna badan kiye hue hun
hijr ek mustaqil libas mera
jis ko main zeb-e-tan kiye hue hun
chand aansu mera asasa hain
jin ko main waqf-e-fan kiye hue hun
aable ug rahe hain panw mein
dasht-e-sarw-e-suman kiye hue hun
ghar mein rah kar bhi ghar nahin rahta
KHud ko yun be-watan kiye hue hun
maut se pahle mar gaya hun main
zindagi ko kafan kiye hue hun
us ka lahja karaKHt ho gaya hai
aur main husn-e-zan kiye hue hun
ek teri yaad hai jise 'zahid'
apne dil ki chubhan kiye hue hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
