aaKHir-e-shab wo teri angDai

āḳhir-e-shab vo terī añgḌā.ī

kahkashāñ bhī falak pe sharmā.ī

aap ne jab tavajjoh farmā.ī

gulshan-e-zīst meñ bahār aa.ī

dāstāñ jab bhī apnī dohrā.ī

ġham ne kī hai baḌī pazīrā.ī

sajda-rezī ko kaise tark karūñ

hai yahī vaj.h-e-izzat-afzā.ī

tum ne apnā niyāz-mand kahā

aaj merī murād bar aa.ī

aap farmā.iye kahāñ jā.ūñ

aap ke dar se hai shanāsā.ī

us kī taqdīr meñ hai vasl kī shab

jis ne bardāsht kī hai tanhā.ī

raat pahlū meñ aap the be-shak

raat mujh ko bhī ḳhuub niiñd aa.ī

maiñ huuñ yuuñ ism-ba-musammā 'azīz'

vāris-e-pāk kā huuñ shaidā.ī

aaKHir-e-shab wo teri angDai

kahkashan bhi falak pe sharmai

aap ne jab tawajjoh farmai

gulshan-e-zist mein bahaar aai

dastan jab bhi apni dohrai

gham ne ki hai baDi pazirai

sajda-rezi ko kaise tark karun

hai yahi wajh-e-izzat-afzai

tum ne apna niyaz-mand kaha

aaj meri murad bar aai

aap farmaiye kahan jaun

aap ke dar se hai shanasai

us ki taqdir mein hai wasl ki shab

jis ne bardasht ki hai tanhai

raat pahlu mein aap the be-shak

raat mujh ko bhi KHub nind aai

main hun yun ism-ba-musamma 'aziz'

waris-e-pak ka hun shaidai