aaKHir gham-e-jaanan ko ai dil baDh kar gham-e-dauran hona tha

Majrooh Sultanpuri

aaKHir gham-e-jaanan ko ai dil baDh kar gham-e-dauran hona tha

Majrooh Sultanpuri

MORE BYMajrooh Sultanpuri

    āḳhir ġham-e-jānāñ ko ai dil baḌh kar ġham-e-daurāñ honā thā

    is qatre ko banñā thā dariyā is mauj ko tūfāñ honā thā

    har moḌ pe mil jaate haiñ abhī firdaus-o-jināñ ke shaidā.ī

    tujh ko to abhī kuchh aur hasīñ ai ālam-e-imkāñ honā thā

    vo jis ke gudāz-e-mehnat se pur-nūr shabistāñ hai terā

    ai shoḳh usī baazū pe tirī zulfoñ ko pareshāñ honā thā

    aatī rahī hai gulshan meñ ab ke bhī bahār aa.ī hai to kyā

    hai yuuñ ki qafas ke goshoñ se elān-e-bahārāñ honā thā

    aayā hai hamāre mulk meñ bhī ik daur-e-zuleḳhā.ī yaanī

    ab vo ġham-e-zindāñ dete haiñ jin ko ġham-e-zindāñ honā thā

    ab khul ke kahūñgā har ġham-e-dil 'majrūh' nahīñ vo vaqt ki jab

    ashkoñ meñ sunānā thā mujh ko aahoñ meñ ġhazal-ḳhvāñ honā thā

    aaKHir gham-e-jaanan ko ai dil baDh kar gham-e-dauran hona tha

    is qatre ko banna tha dariya is mauj ko tufan hona tha

    har moD pe mil jate hain abhi firdaus-o-jinan ke shaidai

    tujh ko to abhi kuchh aur hasin ai aalam-e-imkan hona tha

    wo jis ke gudaz-e-mehnat se pur-nur shabistan hai tera

    ai shoKH usi bazu pe teri zulfon ko pareshan hona tha

    aati hi rahi hai gulshan mein ab ke bhi bahaar aai hai to kya

    hai yun ki qafas ke goshon se elan-e-bahaaran hona tha

    aaya hai hamare mulk mein bhi ek daur-e-zuleKHai yani

    ab wo gham-e-zindan dete hain jin ko gham-e-zindan hona tha

    ab khul ke kahunga har gham-e-dil 'majruh' nahin wo waqt ki jab

    ashkon mein sunana tha mujh ko aahon mein ghazal-KHwan hona tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY