aaKHir ek din sab ko marna hota hai

āḳhir ik din sab ko marnā hotā hai

ya.anī misra.a puurā karnā hotā hai

maiñ dariyā kī gahrā.ī tak jaatā huuñ

maiñ ne kaun sā paar utarnā hotā hai

apne aañsū aap hī ronā hote haiñ

apnā ghaav aap hī bharnā hotā hai

is sahrā ko panchhī pūjne aate haiñ

jis sahrā ke dil meñ jharnā hotā hai

ham to zamīñ par reñgne vaale kiiḌe haiñ

ham ne kab hijrat se Darnā hotā hai

uḌne vaale kaise bhuul ga.e 'āmī'

paañv āḳhir ḳhaak pe dharnā hotā hai

aaKHir ek din sab ko marna hota hai

yani misra pura karna hota hai

main dariya ki gahrai tak jata hun

main ne kaun sa par utarna hota hai

apne aansu aap hi rona hote hain

apna ghaw aap hi bharna hota hai

is sahra ko panchhi pujne aate hain

jis sahra ke dil mein jharna hota hai

hum to zamin par rengne wale kiDe hain

hum ne kab hijrat se Darna hota hai

uDne wale kaise bhul gae 'ami'

panw aaKHir KHak pe dharna hota hai