aaKHirash is bahr ki tah mein utar jaane ke din

āḳhirash is bahr kī tah meñ utar jaane ke din

zinda rahne kī tamanna aur mar jaane ke din

uñgliyoñ par ginte rahte the kab aa.egī bahār

aur bahār aa.ī to aa pahuñche bikhar jaane ke din

ek vo rāteñ ki parchhā.īñ se ḳhauf aatā na thā

ek ye din apne hī saa.e se Dar jaane ke din

roz-e-ruḳhsat hai hamārā ye ki roz-e-vāqi’a

dil ne sāmān-e-safar bāñdhā hai ghar jaane ke din

andar andar kaise mausam chal rahe haiñ al-amāñ

ye jhulas jaane kī rāteñ ye ThiThar jaane ke din

vaqt kā chakkar bhī hai kuchh zehn kā uljhāv bhī

huuñ ravāñ kis samt ko aur haiñ kidhar jaane ke din

dil kī dhaḌkan tez hotī jā rahī hai 'āftāb'

ho na ho apne bhī haiñ ab kuuch kar jaane ke din

aaKHirash is bahr ki tah mein utar jaane ke din

zinda rahne ki tamanna aur mar jaane ke din

ungliyon par ginte rahte the kab aaegi bahaar

aur bahaar aai to aa pahunche bikhar jaane ke din

ek wo raaten ki parchhain se KHauf aata na tha

ek ye din apne hi sae se Dar jaane ke din

roz-e-ruKHsat hai hamara ye ki roz-e-waqi’a

dil ne saman-e-safar bandha hai ghar jaane ke din

andar andar kaise mausam chal rahe hain al-aman

ye jhulas jaane ki raaten ye ThiThar jaane ke din

waqt ka chakkar bhi hai kuchh zehn ka uljhaw bhi

hun rawan kis samt ko aur hain kidhar jaane ke din

dil ki dhaDkan tez hoti ja rahi hai 'aftab'

ho na ho apne bhi hain ab kuch kar jaane ke din