aaKHiri war kar raha hun main

āḳhirī vaar kar rahā huuñ maiñ

apnā inkār kar rahā huuñ meñ

aaḌ apne hī jism kī le kar

ruuh ko taar kar rahā huuñ maiñ

apne dukh baañT kar zamāne meñ

kitnā īsār kar rahā huuñ maiñ

hai mohabbat bhī kār-e-fan ki jise

dil se har baar kar rahā huuñ maiñ

kis mahārat se is Darāme meñ

apnā kirdār kar rahā huuñ maiñ

tiir khāne se us ke is fan meñ

us ko fankār kar rahā huuñ maiñ

kuchh to bīmār hai vo pahle se

aur bīmār kar rahā huuñ maiñ

dost ahbāb kyoñ ḳhajil haiñ aaj

zikr-e-aġhyār kar rahā huuñ maiñ

maiñ agar jā chukā to phir kis se

ab bhī takrār kar rahā huuñ maiñ

apnī nākāmī kī duā kar ke

marzī shab kar rahā huuñ maiñ

ḳhud hī ta.amīr kar ke but apnā

ḳhud hī mismār kar rahā huuñ maiñ

ik na ik shai har umr meñ ab bhī

be-sarokār kar rahā huuñ maiñ

koī to mujh se haar kar jiite

sab se hī haar kar rahā huuñ maiñ

jaane kis ahd ke liye 'rāshid'

us ko tayyār kar rahā huuñ maiñ

aaKHiri war kar raha hun main

apna inkar kar raha hun mein

aaD apne hi jism ki le kar

ruh ko tar kar raha hun main

apne dukh banT kar zamane mein

kitna isar kar raha hun main

hai mohabbat bhi kar-e-fan ki jise

dil se har bar kar raha hun main

kis mahaarat se is Darame mein

apna kirdar kar raha hun main

tir khane se us ke is fan mein

us ko fankar kar raha hun main

kuchh to bimar hai wo pahle se

aur bimar kar raha hun main

dost ahbab kyon KHajil hain aaj

zikr-e-aghyar kar raha hun main

main agar ja chuka to phir kis se

ab bhi takrar kar raha hun main

apni nakaami ki dua kar ke

marzi shab kar raha hun main

KHud hi tamir kar ke but apna

KHud hi mismar kar raha hun main

ek na ek shai har umr mein ab bhi

be-sarokar kar raha hun main

koi to mujh se haar kar jite

sab se hi haar kar raha hun main

jaane kis ahd ke liye 'rashid'

us ko tayyar kar raha hun main