aaKHirul-amr teri samt safar karte hain

Ahmad Javed

aaKHirul-amr teri samt safar karte hain

Ahmad Javed

MORE BY Ahmad Javed

    āḳhirul-amr tirī samt safar karte haiñ

    aaj is naḳhl-e-masāfat ko shajar karte haiñ

    jo hai ābād tirī ā.ina-sāmānī se

    ham isī ḳhāna-e-hairat meñ basar karte haiñ

    dil to vo peT halkā hai ki bas kuchh na kaho

    apnī hālat se kab aisoñ ko ḳhabar karte haiñ

    vasl aur hijr haiñ donoñ miyāñ se bai.at

    dekhiye kis pe ināyat nazar karte haiñ

    dil ne kuchh zor dikhāyā to ye sunñā ik din

    ham bhī alvand-e-ġham-e-yār ko sar karte haiñ

    tum ko to diin bhī fikr hai duniyā bhī

    bhaa.ī ham to yūñhī bekār basar karte haiñ

    aaKHirul-amr teri samt safar karte hain

    aaj is naKHl-e-masafat ko shajar karte hain

    jo hai aabaad teri aaina-samani se

    hum isi KHana-e-hairat mein basar karte hain

    dil to wo peT ka halka hai ki bas kuchh na kaho

    apni haalat se kab aison ko KHabar karte hain

    wasl aur hijr hain donon hi miyan se baiat

    dekhiye kis pe inayat ki nazar karte hain

    dil ne kuchh zor dikhaya to ye sunna ek din

    hum bhi alwand-e-gham-e-yar ko sar karte hain

    tum ko to din ki bhi fikr hai duniya ki bhi

    bhai hum to yunhi bekar basar karte hain

    RECITATIONS

    Nomaan Shauque

    Nomaan Shauque

    Nomaan Shauque

    aaKHirul-amr teri samt safar karte hain Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites