aalam-e-KHarabi ka tark-e-mudda’a hun main

'ālam-e-ḳharābī kā tark-e-mudda’ā huuñ maiñ

kis ko hai ḳhabar yaañ ki maiñ jo huuñ to kyā huuñ maiñ

maiñ nazāra-e-dīgar soz kā nazāra huuñ

dil kī lā-'ilājī ke dard kī davā huuñ maiñ

maiñ huuñ halqa-e-āfat jāvedāna-jāñ bhī huuñ

kahne aur sunñe ko abr huuñ havā huuñ maiñ

mājrā-faroshī hai apne yaañ bahut dekho

āḳhirī maiñ kab royā kab talak hañsā huuñ maiñ

huzn-e-infisāl-e-man se lahū lahū hai tan

ik taraf maiñ baiThā huuñ ik taraf khaḌā huuñ maiñ

kār-e-zindagānī meñ tū nihāñ thā lekin thā

ab to zindagānī meñ nā to tū hai nā huuñ maiñ

kyā 'abān' maujūda mo'jize pe mabnī ho

sab ke sab ye kahte haiñ maiñ bahut burā huuñ maiñ

'alam-e-KHarabi ka tark-e-mudda’a hun main

kis ko hai KHabar yan ki main jo hun to kya hun main

main nazara-e-digar soz ka nazara hun

dil ki la-'ilaji ke dard ki dawa hun main

main hun halqa-e-afat jawedana-jaan bhi hun

kahne aur sunne ko abr hun hawa hun main

majra-faroshi hai apne yan bahut dekho

aaKHiri main kab roya kab talak hansa hun main

huzn-e-infisal-e-man se lahu lahu hai tan

ek taraf main baiTha hun ek taraf khaDa hun main

kar-e-zindagani mein tu nihan tha lekin tha

ab to zindagani mein na to tu hai na hun main

kya 'aban' maujuda mo'jize pe mabni ho

sab ke sab ye kahte hain main bahut bura hun main