aamad-e-sailab-e-tufan-e-sada-e-ab hai

āmad-e-sailāb-e-tūfān-e-sadā-e-āb hai

naqsh-e-pā jo kaan meñ rakhtā hai uñglī jaada se

bazm-e-mai vahshat-kada hai kis kī chashm-e-mast kā

shīshe meñ nabz-e-parī pinhāñ hai mauj-e-bāda se

dekhtā huuñ vahshat-e-shauq-e-ḳharosh-āmāda se

fāl-e-rusvā.ī sirishk-e-sar-ba-sahrā-dāda se

daam gar sabze meñ pinhāñ kījiye tā.ūs ho

josh-e-nairañg-e-bahār arz-e-sahrā-dāda se

ḳhema-e-lailā siyāh o ḳhāna-e-majnūñ ḳharāb

josh-e-vīrānī hai ishq-e-dāġh-e-bairūñ-dāda se

bazm-e-hastī vo tamāshā hai ki jis ko ham 'asad'

dekhte haiñ chashm-e-az-ḳhvāb-e-adam-nakushāda se

aamad-e-sailab-e-tufan-e-sada-e-ab hai

naqsh-e-pa jo kan mein rakhta hai ungli jada se

bazm-e-mai wahshat-kada hai kis ki chashm-e-mast ka

shishe mein nabz-e-pari pinhan hai mauj-e-baada se

dekhta hun wahshat-e-shauq-e-KHarosh-amada se

fal-e-ruswai sirishk-e-sar-ba-sahra-dada se

dam gar sabze mein pinhan kijiye taus ho

josh-e-nairang-e-bahaar arz-e-sahra-dada se

KHema-e-laila siyah o KHana-e-majnun KHarab

josh-e-virani hai ishq-e-dagh-e-bairun-dada se

bazm-e-hasti wo tamasha hai ki jis ko hum 'asad'

dekhte hain chashm-e-az-KHwab-e-adam-nakushada se