aana hai to aa jao yak aan mera sahab

Waliullah Muhib

aana hai to aa jao yak aan mera sahab

Waliullah Muhib

MORE BYWaliullah Muhib

    aanā hai to aa jaao yak aan mirā sāhab

    ik aan ke haiñ ham bhī mehmān mirā sāhab

    muddat se tumhārā maiñ sau jaan se huuñ āshiq

    kyuuñ jaan ke hote ho anjān mirā sāhab

    ġhusse ho uThe mujh par kyuuñ tīr-o-kamāñ le kar

    maiñ hone ko baiThā huuñ qurbān mirā sāhab

    nāgāh sanam yaaro mujh se jo milā aa kar

    mujh par ye ḳhudā hai ehsān mirā sāhab

    ye banda ho tum ho vaañ ġhair na ho koī

    is Dhab ke hai milne armān mirā sāhab

    kuchh yaad nahīñ mujhe ko kāfir huuñ musalmāñ huuñ

    hai ġham meñ tire yaañ tak nisyān mirā sāhab

    jo ishq manzil ke haiñ ahl-e-kamāl un

    hai shukr-o-shikāyat meñ nuqsān mirā sāhab

    saaf ā.īna-e-dil meñ raushan hai jamāl us

    bar-aks hai ik aalam hairān mirā sāhab

    sau tarah kahūñ dil ahvāl huzūr us ke

    mere to nahīñ rahne ausān mirā sāhab

    ham ishq daulat se ik kunj-e-qanā.at meñ

    karte haiñ faqīrāna guzrān mirā sāhab

    yaañ had se qadam bāhar rakhne koī paayā hai

    is jurm meñ sar leñ haiñ tāvān mirā sāhab

    munsif ho 'muhib' dil meñ is baat ko Tuk soche

    jab be-sar-o-sāmāñ ho insān mirā sāhab

    kyā saath le aayā thā le jā.egā kyā yaañ se

    phir chāhiye kis ḳhātir sāmān mirā sāhab

    ma.anī meñ vo kāTeñ haiñ auqāt bahut be-ġham

    jo shaḳhs ba-sūrat haiñ uryān mirā sāhab

    shamshīr-e-barhana ke jauhar nazar aate haiñ

    insāf āñkhoñ ke darmyān mirā sāhab

    aana hai to aa jao yak aan mera sahab

    ek aan ke hain hum bhi mehman mera sahab

    muddat se tumhaara main sau jaan se hun aashiq

    kyun jaan ke hote ho anjaan mera sahab

    ghusse ho uThe mujh par kyun tir-o-kaman le kar

    main hone ko baiTha hun qurban mera sahab

    nagah sanam yaro mujh se jo mila aa kar

    mujh par ye KHuda ka hai ehsan mera sahab

    ye banda ho ya tum ho wan ghair na ho koi

    is Dhab ke hai milne ka arman mera sahab

    kuchh yaad nahin mujhe ko kafir hun musalman hun

    hai gham mein tere yan tak nisyan mera sahab

    jo ishq ki manzil ke hain ahl-e-kamal un ka

    hai shukr-o-shikayat mein nuqsan mera sahab

    saf aaina-e-dil mein raushan hai jamal us ka

    bar-aks hai ek aalam hairan mera sahab

    sau tarah kahun dil ka ahwal huzur us ke

    mere to nahin rahne ausan mera sahab

    hum ishq ki daulat se ek kunj-e-qanaat mein

    karte hain faqirana guzran mera sahab

    yan had se qadam bahar rakhne koi paya hai

    is jurm mein sar len hain tawan mera sahab

    munsif ho 'muhib' dil mein is baat ko Tuk soche

    jab be-sar-o-saman ho insan mera sahab

    kya sath le aaya tha le jaega kya yan se

    phir chahiye kis KHatir saman mera sahab

    mani mein wo kaTen hain auqat bahut be-gham

    jo shaKHs ba-surat hain uryan mera sahab

    shamshir-e-barhana ke jauhar nazar aate hain

    insaf ki aankhon ke darmyan mera sahab

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now