aandhi mein bhi charagh magan hai saba ke sath

āñdhī meñ bhī charāġh magan hai sabā ke saath

lagtā he sāz-bāz huī hai havā ke saath

lab par ḳhudā kā naam ho dil meñ vatan kā dard

nikle badan se ruuh mirī is adā ke saath

un ko bahut ġhurūr thā apnī jafāoñ par

ham bhī vahīñ aḌe rahe apnī vafā ke saath

nazreñ jhukā ke sāmne mere khaḌā hai vo

sharmindagī kī apne badan par qabā ke saath

har shaḳhs rashk kartā hai phir aisī zaat par

mar kar bhī jis ke rabt ho qaa.em ḳhudā ke saath

āġhāz bhī usī kī ziyārat ke saath ho

ho bhī safar tamām to maañ kī duā ke saath

ehsān thā yā hukm kī ta.amīl thī 'sabīn'

ham bī qadam qadam chale us kī razā ke saath

aandhi mein bhi charagh magan hai saba ke sath

lagta he saz-baz hui hai hawa ke sath

lab par KHuda ka nam ho dil mein watan ka dard

nikle badan se ruh meri is ada ke sath

un ko bahut ghurur tha apni jafaon par

hum bhi wahin aDe rahe apni wafa ke sath

nazren jhuka ke samne mere khaDa hai wo

sharmindagi ki apne badan par qaba ke sath

har shaKHs rashk karta hai phir aisi zat par

mar kar bhi jis ke rabt ho qaem KHuda ke sath

aaghaz bhi usi ki ziyarat ke sath ho

ho bhi safar tamam to man ki dua ke sath

ehsan tha ya hukm ki tamil thi 'sabin'

hum bi qadam qadam chale us ki raza ke sath